មាតិកា
ជំពូកទី១ សាលារៀន
ជំពូកទី២ រឿងព្រេងនិទាន
ការដើររើសអេតចាយ
ជំពូកទី៣ ច្បាប់ទម្លាម់
ជំពូកទី៤ ភាពជាស្រ្ដី
មុជជ្រៅ
ការតស៊ូ
ទៅឆ្ងាយ
ជំពូកទី៥ ធ្លាក់ក្នុងអន្លុងស្នេហ៏
ជំពូកទី៦ ការហោះហើរ
ជំពូកទី៧ ភាពខុសគ្នា
ក្រណាត់ស
ជំពូកទី៨ ជ្រើសរើសសុភមង្គល
ជំពូកទី៩ សុបិន
ពេលវេលារបស់ពួកយើង
ជីវប្រវត្តិ
សេចក្ដីបញ្ចាប់
សេចក្ដីថ្លែងអំណរគុណ

ណារី ធំឡើងនៅក្នុងភូមិជនបទមួយនៃភាគខាងត្បូងនៃប្រទេសកម្ពុជា។ ពេលដែលមានអាយុបាំ្រឆ្នាំ ម្ដាយមីងរបស់នាងបានប្រាប់នាងថា នាងមិនអាចក្លាយជាបណ្ខិត និងព្យាបាលជីដូនរបស់នាងបានទេ។ ម្ដាយមីងនាងបាននិយាយថា ក្មេងស្រីមិនអាចធ្វើវេជ្ជបណ្ឌិតបានទេ តែឯងអាចធ្វើជាគិលានុបដ្ឋាយិកាបាន ដូច្នេះឯងអាចជាជំនួយការវេជ្ជបណ្ឌិតក្នុងការព្យាបាលជីដូនរបស់ឯង។
សុខលីន ចាកចេញពីគ្រូសាររបស់នាងមករស់នៅរាជធានីភ្នំពេញ ដោយមិនមានអ្វីជាប់នឹងខ្លូនក្រៅពីប្រាក់២០ដុល្លារ និងស្រមៃថាក្លាយជាមនុស្សទីមួយនៅក្នុងភូមិរបស់នាងដែលអាចរៀនថ្នាក់មហាវិទ្យាល័យបាន។
នីកា ម្ដាយរបស់នាងបានស្លាប់តាំងពីនាងអាយុដប់បីឆ្នាំមកម្លេះ ដែលទុកឪ្យនាង និងបងប្អូនបង្កើតរបស់នាងទាំងអស់រស់នៅដោយពឹងលើខ្លូនឯង។ បងស្រី និងប្អូនប្រុសអាយុប្រាំបួនឆ្នាំរបស់នាង សុខចិត្តចេញធ្វើការ ដើម្បីឪ្យនីកាមានឪកាសបន្តការសិក្សា និងអាចក្លាយជាក្មេងស្រីដែលឆ្លាតជាងគេនៅលើពិភពលោក។
រតនា ជាឌីជេវិទ្យុដ៏ល្បីល្បាញមួយរូប ដែលតស៊ូមតិប្រឆាំងនឹងការរៀបការដោយការផ្សំផ្គុំ និងដើម្បីសិទ្ធិសេរីភាពរបស់ស្រ្ដីក្នុងការសម្រេចចិត្ត។ ជាមួយនឹងដៃគូររបស់នាងដែលមានឈ្មោះ ចាន់ ពួកគេបានកែប្រែ និងចងក្រងឡើងវិញនូវស្ដង់ដារនៃទំនាក់ទំនងស្នេហាបែបប្រពៃណីបុរាណ។